Matar k Dano k fawaid in Urdu and Hindi
Vitamin C also protects from gum diseases, vitamin A is good for vision, protects from infections, folic acid another vitamin is needed for DNA synthesis especially of growing babies inside uterus, iron as all know, is needed to make red blood cells and oxygen carrier, minerals like potassium is good for nerves, blood vessels and heart and regulate heart rhythm and blood pressure.
Yun to sabziyon aur tarkariyon ki shakal mein qudrat nay insane kay liye mutadid lazzat afrin ,sehat parwar aur quwat bakhsh nematain ata ki hain aur in mein say har nemat bila shuba apni apni jagha par insani sehat,ghizaee lazzat aur azala amraz kay liye alag alag mojzana tasir rakhti hai laikin baz sabziyon ko baz aitbarat say deegar sabziyon par foqiyat hasil hai. Matar bhi ins mein say aik hai. Bazahir yeh aik aam si phalli hai. Jis mein haray rang kay chotay chotay gol danay hotay hain jin mein qudrat nay bay sumar khubiyan aud fawaid jama kar rakhay hain.
Aik mashoor tarkari hai. Ghallay ki qisam hai. Danay phalli kay ander hotay hain. Is mein sulphar aur phaopharis nisbatan ziyadan miqdar mein nabatati madah kay sath murakab hoti hai. Zamanae qabal az tarikh say is ki tarkari paka kar khaee jati hai.
Mizaj , garam-o-khushk darja 2 (matar kabli, jalban, mizaj sard aur khushk 2 hai) miqdar khurak baqadre hazam,maslah,shahad khalis, afal o istemal qabiz, nifakh aur muman badan hai.
Badi mizaj walon ki bah barhata hai is mein protein taqriban 23 fisad,carbohydrates pachas fisad aur hayatin ab kafi miqdar mein pai jatay hain. Zamad is ka waram pistan ko tehlil karta hai. Qairuti arad karsna is ka mashoor murakab hai jo dard pehlu kay liye nafah hai.
Matar aik phalli kay danay hain jinhain pakar kar saln banaya jata hai. Majmuee tor par umdah sabzi hai. Is ki do qismain hai. Chotay danon walay aur motay danon walay. Ghee mein is kay danay khushk karkay salad kay tor par bhi istemal kiya jatay hain. Gosht aur qima mein pakana mozun hai. Alu o matar ka salan sab say behtar salan hai magar dhaniya aur zeerah is ka lazmi juz hona chahiye.
Folad,nishasta,protein aur vitamin A,H,B,E aur C is kay ajza hain jab kay is ki tasir garam khushk hai. Qabz kusha hai aur jisam mein isay khanay say khoon paida hota hai.
Matar jisam ki laghari ko door kartay hain aur jisam ko mota kartay hain. Matar jigar ko taqat daitay hain. Sinay aur anton ko naram kartay hain aur asab ko taqat dainay mein sab say lajawab dawa aur ghiza hain. Bah ki kamzori ko door karkay jisam mein mani paida karnay mein matar bay had kamiyab dawa hain.
Jisam mein madani zarat ki kami matar kha kar puri ki jasakti hai.yeh jisam mein protein,folad aur nishasta ki kami puri kartay hain aur khoon paida karnay mein madad daitay hain. Matar dair hazam hai.
Post a Comment